Chapqirg‘oq Amudaryo
Irrigatsiya tizimlari havza boshqarmasi

Бугун, 4 июль куни Сув хўжалиги вазирлиги ҳамда “Заковат интеллектуал клуби” ННТ ҳамкорлигида Ёшларга оид давлат сиёсатини қўллаб-қувватлаш мақсадида тизим ташкилотларида фаолият юритаётган ходимлардан ташкил топган жамоалар ўртасида “Заковат интеллектуал ўйини” турнирининг Хоразм вилояти ҳудудий босқичи ўтказилди.
Қизиқарли саволлар, мунозара ва эмоцияларга бой ҳолда ўтган ўйин иштирокчиларга ўзгача ҳис-ҳаяжон тақдим этди. 
Бу каби тадбирлар ходимларни билим олишда тўхтамасликка, ўз устида кўпроқ ишлашга ва маънавий етук инсон бўлишга интилишга рағбатлантиради.
Турнир натижаларига кўра, саралаш босқичининг 1-ўрин соҳибига айланган Чапқирғоқ Амударё ирригация тизимлари ҳавза бошқармаси жамоаси минтақавий босқичга йўлланмани қўлга киритди.
Минтақавий, яъни 2-босқич ўйинларида Қорақалпоғистон Республикаси, Бухоро, Навоий ва Хоразм вилоятлари ҳудудий турнирида 1-ўринни эгаллаган жамоалар финалга чиқиш учун беллашишади. 

Чапқирғоқ Амударё ИТҲБ матбуот хизмати