Жумладан, жорий 2024 йил Давлат дастурига киритилган Урганч шахридаги хўжаликлараро "Аэропорт" коллекторини ПК 0+00 дан ПК 18+00 гача реконструкция қилиш ишлари амалга оширилмоқда. Мазкур объектдаги ишлар “Темир-Бетон” МЧЖ бош пудрат ташкилоти томонидан бажарилмоқда.
Ҳозирги кунда ушбу объектга 3 та экскаватор, 1 та бульдозер, 1 та кран автомобили, 2 та бошқа техника ва 18 та ишчи ходимлар жалб қилиниб таъмирлаш ишлари бажарилмоқда. Ушбу коллекторнинг ПК 0+00 дан ПК 18+00 қисми жами узунлиги 1,585 км бўлиб, йиллик лимитга нисбатан 39 фоиз ишлар бажарилди.
Шу борада, ушбу лойиҳа бўйича ПК0+00 да ёпиқ горизантал зовурининг қуйилиш жойини қуриш, ПК0+00 да транзит қувурининг қуйилиш жойини қуриш ва таъмирлаш ишлари ва 5 дона кузатув қудуқлари иншооти қуриш ишлари бажарилди.
Чапқирғоқ Амударё ИТҲБ Матбуот хизмати