Хоразм вилояти сув хўжалиги тизим ташкилотлари томонидан ҳам бу анъанага содиқ қолган ҳолда Ҳайит байрами муносабати билан ходимларни моддий рағбатлантиришга қаратилган тадбирлар ўтказилди.
Хусусан, Чапқирғоқ Амударё ирригация тизимлари ҳавза бошқармаси, Мелиоратив экспедицияси, Насос станциялари ва энергетика бошқармаси ва “Шовот-Қуловот” ирригация тизими бошқармалари томонидан ишчи-хизматчиларнинг байрам дастурхонларига турли қишлоқ хўжалиги ҳамда озиқ-овқат маҳсулотлари тарқатилди. 
Чунончи, бундай ташаббуслар ходимларнинг меҳнатини қадрлаш, ижтимоий қўллаб-қувватланишини таъминлаш, жамоада ўзаро ҳурмат ва бирдамлик муҳитини мустаҳкамлашга ҳамда байрамона руҳият бағишлашга хизмат қилади.Чапқирғоқ Амударё ИТҲБ матбуот хизмати
