Илмий-техник кузатув ишлари канал бошлиғи Қ.Бердиев, “ТИҚХММИ” Миллий тадқиқот университети профессори Б.Матяқубов ва Чапқирғоқ Амударё ИТҲБ мутахассиси Ф.Отажоновлардан иборат ишчи гуруҳ томонидан олиб борилди.
Ўрганишлар давомида объектнинг ПК 162+00 қисмида ишлар тугатилганлиги, бугунгача умумий ҳисобда каналнинг 1,9 км қисмида бетонлаш якунланганлиги аниқланиб, сифат кўрсаткичлари талаб даражасида эканлиги таъкидланди.
Ҳозирда канални кенгайтириш бўйича тупроқ ишлари ҳамда “Ғойбу” қишлоғида давом этаётган бетонлаш бўйича реконструкция жараёни илмий-техник жиҳатдан кузатилди.
Ер ишлари ҳажми, канални бетонлашда мақбул қиялик олиниши ҳамда бетонлаш бўйича илмий томондан маслаҳатлар берилди.
Қурилиш ташкилоти вакилларига канални бетонлаштириш натижасида сув ресурсларидан самарали фойдаланиш ва ҳудуднинг мелиоратив ҳолатини яхшилашдаги стратегик аҳамияти тушунтирилиб, олимлар томонидан илмий ёндашган ҳолда ёрдам кўрсатилиши маълум қилинди.Чапқирғоқ Амударё ИТҲБ матбуот хизмати
