2022 йил 27 июль куни Чапқирғоқ Амударё ирригация тизимлари ҳавза бошқармасида “Аёллар орасида жиноятчиликнинг олдини олиш” мавзусида семинар ташкил этилди. Унда ҳавза бошқармаси ва туман ирригация бўлимларида ишлаётган хотин-қизлар иштирок этдилар.Тадбирда Қўшкўпир тумани ИИБ катта инспектори, подполковник Гулноза Ғуломова ҳамда Абу Али ибн Сино номидаги Урганч жамоатчилик саломатлиги техникуми психологи Дилдора Жуманиёзованинг маърузалари тингланди.
Семинарда хотин-қизлар орасида учраётган жиноятчилик, ҳуқуқбузарлик ва турли хил муаммоли вазиятларнинг келиб чиқишлари ва уларнинг олдини олиш чора-тадбирлари тушунтириб ўтилди. Жиноятчилик ва зўравонликка асосий сабаб бўлиши мумкин бўлган ҳаётий мисоллар келтирилди. Маҳаллаларда ташкил этилган аёллар маслаҳат кенгашлари, тазйиқ ва зўравонликдан жабрланган хотин-қизларга ҳимоя ордерини бериш, хотин-қизларнинг ҳуқуқлари, эркинликлари ҳамда қонуний манфаатларига қаратилган қарорлар ижросини таъминлаш тўғрисида батафсил маълумотлар берилди.
Психолог томонидан психологик тест-машқлар бажарилди, иштирокчилар эса ўзларини қизиқтирган ҳуқуқий саволларга керакли жавобларни олдилар.
Х.Машарипова
Чапқирғоқ Амударё ИТҲБ матбуот котиби
