Chapqirg‘oq Amudaryo
Irrigatsiya tizimlari havza boshqarmasi

Хабарингиз бор, республикамиздаги сув хўжалиги тизим ташкилотларида меҳнат қилаётган гидрометр ходимлар учун жорий йилнинг 20-25 октябрь кунларида ҳудудлардаги Сувчилар мактабида ўқув-амалий семинари ташкил этилган эди. Куни кеча ушбу семинарнинг 2-гуруҳ тингловчилари машғулотлари ҳам якунига етди.
Машғулотлар Хоразм вилоятида Қўшкўпир туманида жойлашган Сувчилар мактабида бўлиб ўтди. Унда Чапқирғоқ Амударё ирригация тизимлари ҳавза бошқармаси тизим ташкилотларидан жами 43 нафар муҳандис-гидрометр ҳамда техник-гидрометрлар ўз малакаларини оширишди.
Машғулотларни Ирригация ва сув муаммолари илмий-тадқиқот институти Хоразм минтақавий маркази мутахассиси Ибодулла Султонов олиб борди.
Семинарнинг сўнгги кунги амалий қисми “Шовот-Қуловот” ирригация тизими бошқармасига қарашли “Қуловот” каналининг ПК 262+00даги сув тақсимлаш иншоотида ўтказилди. Унда иштирокчилар олган назарий билимларини янада мустаҳкамлаш мақсадида дала шароитида сув сатҳи, тезлиги ҳамда сарфини тўғри ҳисоблаш кўникмаларини эгалладилар.

Чапқирғоқ Амударё ИТҲБ матбуот хизмати