Ўзбекистон Республикаси Президентининг 2024 йил 5 январдаги “Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида”ги ПҚ-5-сонли Қарорига асосан Чапқирғоқ Амударё ирригация тизимлари ҳавза бошқармаси ҳузуридаги Хива ва Хонқа туманлари “Сув етказиб бериш хизмати” давлат муассасаларига ажратилиши режалаштирилган техникаларнинг дастлабки 2 донаси, яъни “UzXCMG” русумли экскаваторлар етказиб берилди.
Шунингдек, туманлар “Сув етказиб бериш хизмати” давлат муассасалари томонидан жорий йилнинг 7 ноябридан бугунгача бўлган даврда куз-қиш мавсумий тадбирлари доирасида канал ва ички ариқларни бетонлаштириш мақсадида 670 м³ шағал, 755 м³ бетон, 376 т цемент ва бошқа қурилиш маҳсулотлари харид қилиниб, ҳозирда бетонлаштириш ишлари давом этмоқда.
Чапқирғоқ Амударё ИТҲБ матбуот хизмати
