КУЗГИ БУҒДОЙ ДАЛАЛАРИ ЁМҒИРЛАТИБ СУҒОРИШ ТИЗИМИ БИЛАН СУҒОРИЛИБ ЯХШИ САМАРА БЕРМОҚДА

Bosh sahifa / Axborot xizmati
Охирги йилларда мамлакатимиз шароитида ёмғирлатиб суғориш тизимларини ривожлантиришга, айниқса, кузги ғалла майдонларида ёмғирлатиб суғориш тизимларини кенг жорий қилишга қизиқиш кучаймоқда. 
Айни кунларда буғдой далаларида суғориш мавсуми бўлганлиги боис ушбу ишлар билан яқиндан танишиш учун вилоятимизнинг Янгибозор туманига ташриф буюрдик. Тумандаги 115.2 гектарни ташкил этган “Замин оқ олтин” фермер хўжалигининг 30 гектарни эгаллаган ғалла майдони кўздан кечирилди. Фермер хўжалиги раҳбари Мурод Бўроновнинг ўз ташаббуси билан ушбу ғалла майдонида ёмғирлатиб суғориш тизимига ўтилган. Унинг айтишичаушбу технология суғориш сувини икки баробар тежаш билан бирга тизим орқали ўғит беришга имкон беради, мехнат унумдорлигини оширади.
Маълумот учун, Чапқирғоқ Амударё ИТҲБнинг Сувни тежайдиган ва рақамли технологияларни жорий қилиш бўлими бошлиғи Элёр Нурметов маълум қилишича жорий 2023-йилда Янгибозор туманида 4195 гектар майдонда сувни тежайдиган технологияларни жорий қилиш белгиланган. Шундан 2082 гектар майдонда томчилатиб суғориш, 127  гектар майдонда ёмғирлатиб суғориш, 90 гектар майдонда дискрет суғориш, 1896 гектар майдонда лазер текишлаш ишлари белгиланган. Ҳозирги кунга қадар  ёмғирлатиб суғориш технологияси бўйича 19 та фермер хўжалигида 251 гектар майдон молиялашган. 8 та фермер хўжалигида  67 гектар майдонда қурилиш монтаж ишлари якунланган.
Чапқирғоқ Амударё ИТҲБ матбуот хизмати


Saytda xatolik ko'rsangiz, matnni belgilab Ctrl+Enter tugmalarini bosing.
Izoh qoldirish
Izohlar (0)