Бугун, 25 май куни, Хоразм вилоятининг Гурлан тумани Сахтиён худудидаги “Олам Давлат” фермер хўжалигининг 42.8 гектар пахта даласи ҳамда, Янгибозор тумани Боғолон худудидаги “Хоразм фахри” фермер хўжалигининг пахта ва ғалла дала майдонлари мисолларида кўргазмали дала семинарлари ўтказилди. Семинарда туман хокимлари, сув хўжалиги ташкилотлари раҳбарлари ва мутахассислари, сектор раҳбарлари, кластер, худуд ва албатта фермер хўжаликлари раҳбарлари қатнашдилар. Унда, хозирда долзарб бўлган мавзу, яъни махсус хизмат фаолияти юзасидан тушунтириш ишлари ва муҳокамалар олиб борилди. Қолаверса, ерга ер қўшиш имкониятлари ва умуман дала маданияти тўғрисида муҳокамалар олиб борилди. 
Хусусан, шу кунларда ҳар бир туманда мавжуд сувлардан самарали фойдаланишни сув истеъмолчиларига тушунтириш, ҳамда махсус хизмат ва сув истеъмолчилари ўртасидаги муносабатларни такомиллаштириш бўйича семинарлар давом этмоқда.Х.Машарипова
Чапқирғоқ Амударё ИТҲБ матбуот котиби
