Chapqirg‘oq Amudaryo
Irrigatsiya tizimlari havza boshqarmasi

Олдин хабар берганимиздек, Хоразм вилоятида “ТИҚХММИ” Миллий тадқиқот университети ҳамда Ирригация ва сув муаммолари илмий тадқиқот институти Хоразм минтақавий марказлари томонидан қишлоқ ва сув хўжалиги соҳасида амалга оширилаётган тадбирлар ҳамда сув тежовчи технологияларни жорий қилиш ҳолати юзасидан олиб борилаётган илмий-техник кузатув ишлари навбатдаги туманда – Боғотда ўтказилди.
Унда тумандаги фермер хўжаликлари томонидан сув тежамкор суғориш технологиялари қўлланилиш ҳолатлари ўрганилди.
Жумладан, “Галди бобо ўғли Йўлдош”, “Ёқуб бобо ўғли Омон”, “Аброрбек”, “Қурбонбой Содиқ”, “Рўзмат Матёз” ва “Дилшод” фермер хўжаликларининг ғўзани томчилатиб суғориш технологияси жорий этилган жами 139,9 гектар экин майдонларида бўлиб, мазкур қурилмаларни техник кўрсаткичларга риоя этилган ҳолда ўрнатилганганлиги, сув йиғиш ва сув тиндиргич ҳовузлари талаб даражаларига мослиги кўздан кечирилди.
Шу билан бирга, кузатув ишлари натижалари таҳлилига кўра, фермерларга илмий-техник ва амалий тавсиялар берилди.

Чапқирғоқ Амударё ИТҲБ матбуот хизмати