Хусусан, айни кунларда Хонқа туманидаги “Мадир ёп-1” канали ҳамда “Р-9а” ички каналлари бетонланмоқда.
Умумий узунлиги 13,1 км бўлган “Мадир ёп-1” канали 2025-2026 йилларда каналлар ва суғориш тармоқларини бетонлаш ва реконструкция қилиш ишлари бўйича Давлат дастурига киритилган бўлиб, бугунгача 8,8 км қисмида ишлар якунланган. Канал 2 750 гектар майдонни сув билан таъминлашга хизмат қилади.
“Р-9а” ички канали эса туманнинг “Томадурвадик” ҳудудига хизмат қилиб, 165 гектар ер майдонни сув билан таъминлайди. Канал узунлиги 3,5 км бўлиб, 3 км қисми бетонланди.
Хонқа тумани “Сув етказиб бериш хизмати” давлат муассасаси ҳисобида жами 333,6 км узунликдаги канал ва ариқлар мавжуд бўлиб, бугунгача 119 км қисми бетонлаб тугатилди.Чапқирғоқ Амударё ИТҲБ матбуот хизмати
