Тадбирда 60 нафардан ортиқ фермерлар ҳамда вилоят сув хўжалиги ташкилотлари раҳбар ва мутахассислари иштирок этишди.
Очиқ мулоқот форматида ташкил этилган қабулда сўнгги йилларда сув хўжалиги соҳасида амалга оширилган ислоҳотлар, яратилаётган шароитлар, имтиёзлар ҳамда субсидиялаш тартиблари юзасидан атрофлича маълумотлар берилди.
Шу билан бирга, иштирокчиларга Ўзбекистон Республикаси Сув кодексининг мазмун-моҳияти ва аҳамияти тушунтирилди.Қабулда сув тақсимоти, ирригация тармоқларини таъмирлаш ва насос қурилмалари иши билан боғлиқ мурожаатлар тингланиб, уларнинг аксарияти жойида ҳал этилган бўлса, қўшимча вақт талаб этадиган мурожаатлар бўйича эса мутасаддиларга уларни ҳал этиш борасида аниқ чора-тадбирлар белгиланди.
Чапқирғоқ Амударё ИТҲБ матбуот хизмати
