Шу кунларда Чапқирғоқ Амударё ирригация тизимлари ҳавза бошқармаси ҳузуридаги Мелиоратив экспедиция ишчи-ходимлари томонидан Урганч шаҳридаги ва Урганч-Хива автомобиль йўлидаги коллектор ён-атрофларига манзарали дарахт кўчатлари экилмоқда. Жумладан, 500 туп арча, 1400 туп тол, 200 туп павлония дарахти кўчатлари ўтқазилди.
Урганч шаҳридан ўтувчи АД-3 коллектори бўйидаги мавжуд боғ янада кенгайтирилиб, 50 туп ток, 25 туп анор, 20 туп олча, 20 туп шафтоли ва бошқа мевали дарахт кўчатлари экилди.
Ушбу турдаги дарахт кўчатлари экишда Экология ва атроф-муҳитни муҳофаза қилиш давлат қўмитасининг ҳудудларга мос кўчатларни экиш тавсиясига амал қилинмоқда.
Х. Машарипова,
Чапқирғоқ Амударё ИТҲБ матбуот котиби
