ЯНГИ ҲАМКОРЛИКЛАР ЙЎЛГА ҚЎЙИЛМОҚДА

Bosh sahifa / Axborot xizmati

Хоразм вилояти қуйи Амударё минтақасида жойлашганлиги сабабли, сув ресурсларининг тобора тақчиллиги ва унга бўлган талабнинг ортиши сезиларли даражада тус олмоқда. Албатта, бундай ҳолатда ресурстежамкор технологиялардан фойдаланишга эҳтиёж кучаяди.
Чапқирғоқ Амударё ирригация тизимлари ҳавза бошқармаси бу йил учун сув тежамкор технологияларни жорий этишни кенгайтириш мақсадида, яқинда ўз фаолиятини бошлаган томчилатиб суғориш технологиясининг бутловчи қисмларини ишлаб чиқарувчи “Tianfeng industrial” корхонаси билан шартнома тузмоқда. Янги корхона вилоятнинг Гурлан туманида иш бошлади.
Маълумот учун: бугунги кунда вилоятда 15000 гектар пахта майдонларида томчилатиб суғоришни жорий қилиш бўйича 19 та субъект томонидан 13463 гектар майдон учун 336,6 млрд. сўмлик шартномалар тузилган бўлиб, шундан 9 та субъектнинг 12154 гектар учун 303,8 млрд. сўмлик банк кредит ҳужжатлари расмийлаштирилди.
Чапқирғоқ Амударё ИТҲБ матбуот хизмати


Saytda xatolik ko'rsangiz, matnni belgilab Ctrl+Enter tugmalarini bosing.
Izoh qoldirish
Izohlar (0)