Chapqirg‘oq Amudaryo
Irrigatsiya tizimlari havza boshqarmasi

Кеча, 10 ноябрь куни Чапқирғоқ Амударё ирригация тизимлари ҳавза бошқармаси томонидан Урганч шаҳар “Ёшлар маркази” ҳамда “Баркамол авлод” болалар мактаби билан ҳамкорликда 11 ноябрь - Ўзбекистон касаба уюшмалари куни муносабати билан шахмат ва шашка спорт турлари бўйича тизим ташкилотлари ходимлари ўртасида мусобақа ташкил этилди.
Ходимлар саломатлигини яхшилаш, уларнинг ишчанлик қобилиятлари ва меҳнат унумдорлигини ошириш, энг асосийси, соғлом турмуш тарзини шакллантиришга қаратилган мазкур тадбирга “Баркамол авлод” болалар мактаби мураббийи Г.Шарифбоева ҳакамлик қилди. Шу билан бирга, иштирокчиларга маҳорат дарси ҳам ўтказилди.
Ҳамжиҳатлик ва байрамона руҳда ўтган турнирнинг саралаш ва финал баҳсларида энг кучлилари аниқланиб, совғалар билан тақдирланишди.

Чапқирғоқ Амударё ИТҲБ матбуот хизмати