ЯНГИАРИҚ ТУМАНИДА МАХСУС-ТАКТИК ЎҚУВ МАШҚИ ЎТКАЗИЛДИ

Bosh sahifa / Axborot xizmati
Хоразм вилоятининг Янгиариқ тумани Фавқулодда вазиятлар бўлими томонидан “Қўриқтом-1” каналини реконструкция қилиш бўйича махсус-тактик ўқув машқи ўтказилди.
Унда туман Миллий гвардия, Ички ишлар бўлимлари, “Электр тармоқлари” корхонаси, Тез тиббий ёрдам ҳамда “Сув етказиб бериш хизмати” давлат муассасалари ходимлари қатнашди.
Тадбирда фавқулодда вазиятлар содир бўлганда Фавқулодда вазиятлар давлат қуйи тизими хизматлари ва Фуқаро муҳофазаси тузилмаларига хабар берилди ҳамда саф кўриги ўтказилди.

Шунингдек, фуқаро муҳофазаси тузилмаларининг фавқулодда вазиятларнинг олдини олиш ҳамда уларни бартараф этиш учун мўлжалланган кучлар ва воситаларнинг доимий тайёрлиги, махсус асбоб-анжомлар билан таъминланганлиги текширилди.

Бундан ташқари, Фавқулодда вазиятлар давлат қуйи тизими хизматлари ва бўғинларининг фаолиятини ташкил этиш, аҳолини ва ҳудудларни фавқулодда вазиятлардан муҳофаза қилиш бўйича уларга белгиланган вазифалар ўз вақтида ва самарали бажарилишини таъминлаш юзасидан яна бир бор тушунтириш берилди.

Чапқирғоқ Амударё ИТҲБ матбуот хизмати


Saytda xatolik ko'rsangiz, matnni belgilab Ctrl+Enter tugmalarini bosing.
Izoh qoldirish
Izohlar (0)