Ўзбекистон Республикаси Президентининг 2024 йил 5 январдаги “Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида”ги ПҚ-5-сонли Қарори ҳамда Президентимиз раҳбарлигида 2024 йил 7 ноябрь куни кенгайтирилган тарзда ўтказилган видеоселектор йиғилишининг 48-сон баёнидаги топшириқлар ижросини таъминлаш мақсадида Қўшкўпир агротехнологиялар техникумининг “Суғориладиган ерларнинг мелиоратив тизимлари техниги” йўналиши 3-24-гуруҳи ҳамда “Автоматлаштирилган сув хўжалиги объектларини монтаж қилиш ва техник хизмат кўрсатиш техниги” йўналиши 8-24-гуруҳ талаба-ўқувчилари учун ишлаб чиқариш ва диплом олди амалиёти ташкил этилди.
Тадбир назарий ва амалий билимларни уйғунлаштириш мақсадида Қўшкўпир туманидан оқиб ўтувчи “Эски Хонобод” каналининг ПК 1+00 пикетида бўлиб ўтди.
Мазкур амалиётда Чапқирғоқ Амударё ирригация тизимлари ҳавза бошқармаси бош мутахассиси Давронбек Кенжаев, буюртмачи “Хоразмсувқурилишинвест” ДМ мутахассислари ва бош пудратчи “Хоrazm invest holding” МЧЖ қурувчилари томонидан гидрообъектларни бетонлаш жараёни қандай кечиши ҳақида тўлақонли маълумотлар берилди. Амалиёт қизғин савол-жавоб ва мунозаралар билан ўтди.
Шу билан бирга, амалиёт якунида, тингловчилар Давлат Аттестацияси имтиҳонини ҳам ҳеч бир қийинчиликларсиз топширдилар.
Чапқирғоқ Амударё ИТҲБ матбуот хизмати
