Chapqirg‘oq Amudaryo
Irrigatsiya tizimlari havza boshqarmasi

Жорий йил 16 май куни Чапқирғоқ Амударё ИТҲБ ҳузуридаги Насос станциялари ва энергетика бошқармасига қарашли Гурлан туманидаги “Чинобод” (“Жамшид”) насос станциясида мутахассислар томонидан ишчи-ходимларга ўқув семинари ташкил этилди.
Семинарда соҳага доир қонунчилик ҳужжатлари мазмун-моҳияти тушунтирилди.
Шу билан бирга, объектлар самарадорлигини ошириш мақсадида уларни беталофат ишлатиш, электр қувватидан ажратилган лимит доирасида фойдаланиш ҳамда шахсий хавфсизлик қоидаларига риоя этиш бўйича кўрсатмалар берилди. 
Маълумот ўрнида, мазкур станция 1996 йил ишга тушган. 4 дона “SNPE-500/10” насос агрегатлари ўрнатилган бўлиб, туманнинг 649,7 гектар экин майдонларини кафолатли сув билан таъминлайди; сув чиқариш қобилияти 2 м³/секундни ташкил этади; умумий қуввати 440 кВт/соатга тенг.

Чапқирғоқ Амударё ИТҲБ матбуот хизмати