Chapqirg‘oq Amudaryo
Irrigatsiya tizimlari havza boshqarmasi

Кеча, 15 май куни Чапқирғоқ Амударё ирригация тизимлари ҳавза бошқармаси мутахассислари томонидан Шовот тумани “Бег-яб” канали гидропостида муҳандис-гидротехник, сув хўжалиги назоратчиси ва техник-гидрометрлар иштирокида сув ресурсларидан самарали фойдаланиш, сувнинг ҳисоб-китобини юритиш ҳамда очиқ каналларда сув сарфини ўлчаш бўйича ўқув-амалий семинари ўтказилди.
Тадбирда, йиғилганларга, сув тезлигини ўлчайдиган портатив электромагнитли “MGG/KL-DCB” типдаги гидрометрик вертушкада сув сарфини тўғри ўлчаш жараёнлари тўлиқ кўрсатиб берилди.
Шу билан бирга, сув ҳисоб-китобини олиб боришда юритиладиган ҳужжатларни юритиш тартиби, сув махсус хизмати томонидан олиб борилаётган ишлар ҳамда сув тежовчи технологиялар қамровини янада ошириш бўйича кўрсатма ва топшириқлар берилди.

Шунингдек, иштирокчилар ўзларини қизиқтирган саволлар юзасидан керакли маълумотларни олдилар.

Чапқирғоқ Амударё ИТҲБ матбуот хизмати