Унда “Полвон-Ғозовот” ИТБ, туман “Сув етказиб бериш хизмати” давлат муассасаси, Насос станциялари ва энергетика бошқармаси мутахассисларидан ташқари, тумандаги кластер ташкилотлари, фермер хўжаликлари ва МФЙ вакиллари ҳам иштирок этишди.
Тадбир давомида инспекция бош мутахассиси Кенжабой Артиқов, сувдан самарали фойдаланишда сув тежовчи суғориш технологияларини қўллаш, ерларни лазер ёрдамида текислаш, ер майдонларидаги ички ариқларни бетонлаштириш, шу билан бирга, “Сув – текин эмас” деган ғояни ҳар биримиз атрофдагиларга етказишимиз муҳимлигини таъкидлади.
Шунингдек, йиғилганларга, Ўзбекистон Республикасининг 2024 йил 22 октябрдаги “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги ЎРҚ-981-сонли Қонуни мазмун-моҳияти тушунтирилди.Маълумот ўрнида: ушбу объект 1974 йилда қурилган бўлиб, 2 та ровоқдан иборат; сув ўтказиш қобилияти 14 м³/сек.; туманнинг 3526 гектар ер майдонини сув билан таъминлайди.
Чапқирғоқ Амударё ИТҲБ матбуот хизмати
