Иштирокчилар Президентимизнинг сувни тежашга қаратилган қарор ва фармонлари ҳамда коррупцияга қарши курашиш тўғрисидаги мавжуд норматив-ҳуқуқий ҳужжатлар билан таништирилди, уларнинг мазмун-моҳияти ва аҳамияти тушунтирилди.
Шу билан бирга, “сув текин эмас” деган ғояни истеъмолчиларга етказиш муҳимлиги таъкидланди.
Сўнгра инспекция бош мутахассиси М.Якубов объектда сув ҳисоб-китобини юритиш бўйича журналларни кўздан кечирди ҳамда баҳор-ёз фасли кириб келиши билан тошқин сувларини беталофат ўтказиш мақсадида масъул ходимлардан иборат туну кун навбатчилик ташкил этиш бўйича кўрсатма ва топшириқлар берди.Маълумот ўрнида: ушбу гидроиншоот 1974 йилда қурилган бўлиб, 2 та ровоқдан иборат. Сув ўтказиш қобилияти 14 м³/сек.; туманнинг 3 526 гектар ер майдонини сув билан таъминлайди.
Чапқирғоқ Амударё ИТҲБ матбуот хизмати
