Chapqirg‘oq Amudaryo
Irrigatsiya tizimlari havza boshqarmasi

Жорий йилнинг 15 март куни Сув хўжалиги вазири Шавкат Хамраев Хоразм вилоятида сайёр қабул ўтказди. Унда вилоятдаги 50 та насос станцияларини давлат-хусусий шериклик асосида бошқарувга олиш ташаббусини билдирган 30 дан ортиқ фермер хўжаликлари раҳбарлари, сув хўжалиги ҳудудий ташкилотлари бошлиқлари ва мутахассислари иштирок этди. 
Сайёр қабулда Гурлан туманидаги “Ўразмат Бекчанов”, “Гужумқалъа”, Урганч туманидаги “Чорвадор”, “Азамат ўғли Асадбек”, Янгиариқ туманидаги “Юсуббой Иноят” фермер хўжаликлари раҳбарлари давлат-хусусий шериклик асосида олинадиган насос станцияларни қандай ишлатиш, электр энергиясини тежаш миқдори, энергия тежамкор қурилмаларни ўрнатиш, ишчиларнинг маоши ва даромад кўриш ҳақида саволлар бердилар. 
Барча саволларга жавоб қайтарилди. Масъулларга ДХШ бўйича ҳужжатларни расмийлаштиришда фермерларга кўмаклашиш вазифаси юклатилди. 

Чапқирғоқ Амударё ИТҲБ матбуот хизмати