Chapqirg‘oq Amudaryo
Irrigatsiya tizimlari havza boshqarmasi

Ўзбекистон Республикаси Президентининг 2026 йил 5 февралдаги ПҚ-49-сон Қарори ҳамда Халқ депутатлари вилоят Кенгашининг жорий йил 31 мартдаги VII-20-37-12-0-К/26-сонли қарори 2-иловасига асосан Гурлан туманида “оғир” тоифадан намунали ҳудудга айлантиришга қаратилган комплекс ривожлантириш Дастури доирасида “Нукус” маҳалласи аҳоли томорқалари ва ижарага берилган ер майдонларида сув таъминотини яхшилаш мақсадида маҳалладан ўтган “Нукус ёп” каналини бетонлаш белгиланган.
Жумладан, ушбу лойиҳага 3,5 км узунликдаги канални бетонлаш, 2 та қувурли ўтиш жойларини реконструкция қилиш, 8 дона сув олиш иншоотларини қуриш ва реконструкция қилиш ишлари киритилган.
Ҳозирда объектга 8 та техника ва 15 нафар ишчи-ходимлар жалб этилиб, каналнинг 0,25 км узунликдаги қисмида бетонлаш бажарилди ҳамда объектга зарур хомашё ва жиҳозлар келтирилиб, ишлар режа-графиклари асосида давом эттирилмоқда.
Мазкур қурилиш-монтаж ишлари бажарилиши натижасида ҳудуднинг 1 420 гектар суғориладиган экин майдонлари сув таъминоти яхшиланиши режалаштирилган.

Чапқирғоқ Амударё ИТҲБ матбуот хизмати