Келаётган Рамазон ҳайитини муносиб кутиб олиш мақсадида 30 апрель куни Чапқирғоқ Амударё ирригация тизимлари ҳавза бошқармаси ва унинг тасарруфидаги барча бўлим ва ташкилот ходимлари умумхалқ ҳашарида қатнашди.

- Ҳашарда аёл ходимлар ҳамма ёқни чиннидек озода, файзли ҳолатга келтираётган бўлса, эркаклар ён-атрофдаги ўтларни тозалаш, дарахтларни оқлаш, ерларни текислаш ишларини бажаришмоқда, - дейди Чапқирғоқ Амударё ирригация тизимлари ҳавза бошқармаси бошлиғининг биринчи ўринбосари Қ.Матяқубов.
Ушбу тадбирлар сувчилар ўртасида ҳамжиҳатликни янада кучайтириб, беғараз ёрдам, меҳр-мурувват каби эзгу фазилатларни юксалтиради.
Ҳашар ишлари 1 май куни ҳам давом эттирилади.



Чапқирғоқ Амударё ИТҲБ матбуот хизмати