Айни дамларда Хоразм вилоятининг Хива туманидаги “Пахтакор” каналида бетонлаш ишлари амалга оширилмоқда. Куз-қиш мавсуми учун режа 3,4 км режалаштирилган ҳолда бугунгача 2,7 км қисми бетонланди.
Ушбу канал 1941 йилда қазилган бўлиб, умумий узунлиги 12,2 км. “Шомохулум” ҳудудининг 1 230 гектар ер майдонини сув билан таъминлайди; сув ўтказиш қобилияти 2 м³/секундни ташкил қилади. Канал трассасида 3 та кўприк ва 4 та сув тўсувчи иншоот мавжуд. Бугунги кунда каналнинг ПК8+00 дан ПК18+00 гача бўлган 1 км қисмида бетонлаш ишлари режалаштирилган. Мазкур жараёнларга 2 та махсус техника ҳамда туман “Сув етказиб бериш хизмати” ДМ, Насос станциялари ва энергетика бошқармаси, Мелиоратив экспедиция туман бўлимлари ишчи-ходимларидан 15 нафари жалб этилган.
Шу билан бирга, Янгибозор туманидаги “Дўстлик яб” канали ҳам бетонланмоқда. Ушбу канални бетонлаш режаси 2025-2026 йилга 1,7 км белгиланган бўлиб, бугунгача 900 метрдан ортиқ қисмида ишлар якунланди. Бетонлаш ишларида 15 нафар ишчи-хизматчилар меҳнат қилишмоқда.  

Чапқирғоқ Амударё ИТҲБ матбуот хизмати