Кеча, 7 август куни Хоразм Мелиоратив экспедицияси томонидан Қўшкўпир тумани “Кенагас” коллекторида туманлар бўлим бошлиқлари ҳамда мутахассислар иштирокида ўқув семинари ўтказилди.
Семинарда канал, коллектор ва кузатув қудуқларидаги сувларнинг тузланиш даражасини аниқлик ва тезкорлик билан жойида ўлчаш имкониятини берувчи Япониянинг “HORIBA” кондуктометри ва тупроқнинг шўрланиш даражасини жойида аниқловчи “ПРОГРЕСС” ускуналарининг афзаллик жиҳатлари муҳокама қилиниб, улардан фойдаланиш тартиби Лаборатория бўлими бошлиғи Н.Авезов томонидан кўргазмали тарзда тушунтириб берилди.
Шу билан бирга, мазкур “HORIBA” ускунаси орқали сувни коллектор ёки каналдан олиб лабораторияга етказиш харажатлари ҳамда вақтдан ютиш ва шу жойни ўзида ўлчаш натижаларига кўра фермер хўжаликлари раҳбарлари ёки аҳолига керакли тавсиялар бериш имконияти мавжудлиги алоҳида таъкидланди.
Маълумот ўрнида, ушбу ускунадан ташкилот томонидан 7 донаси харид қилинган бўлиб, туман бўлимларига топширилди.

Чапқирғоқ Амударё ИТҲБ матбуот хизмати