Хоразм вилоятида сувдан самарали ва мақсадли фойдаланиш бўйича кенг кўламли ишлар олиб борилмоқда. Жумладан, ҳар йили каналлар ва ариқлар тозаланиб, гидротехник иншоотлар ва бошқа объектлар реконструкция қилинмоқда.
Шу билан биргаликда, экин майдонларини суғоришда кўчма эгилувчан қувурлардан фойдаланиш, эгатларга плёнка тортиш ҳамда томчилатиб, ёмғирлатиб суғориш каби сувни тежовчи технологиялар жорий қилинмоқда. 
Шулардан, кўчма эгилувчан қувурлардан фойдаланиш ирригация ва мелиорация тизимида анъанавий суғоришга қараганда бир қатор афзалликларга эга эканлиги намоён бўлган ҳолда далаларнинг бир хилда суғорилиб, ғўзанинг тўйиб сув ичишини таъминлаш, ортиқча меҳнат сарфини тежаш имконини бермоқда.
Бу ўринда Хоразм вилояти фермер хўжаликлари ҳам “Сув текин эмас”лигини англаган ҳолда ўз экин майдонларига кўчма эгилувчан қувурларни ўрнатишни бошлашган.
Маълумот ўрнида, вилоятимизда 2025 йилда сув тежовчи суғориш технологияларни қўллаш режаси 41 650 гектар қилиб белгиланган бўлиб, бугунгача 44 361 гектар ер майдонида ўрнатилиб, ишга туширилган.

Чапқирғоқ Амударё ИТҲБ матбуот хизмати