Бугун “Сувхўжаликназорат” инспекцияси Хоразм вилояти бошқармаси томонидан Хива тумани, “Оқ-яб” каналининг ПК 91+92даги гидроиншоотда сув объектлари хавфсизлиги, техник ҳолати, иншоотлардаги муаммолар, ҳукумат қарорлари ва фармонлари ижроси ҳамда сувдан самарали фойдаланиш юзасидан семинар ўтказилди.
Унда Ўзбекистон Республикаси Вазирлар Маҳкамасининг 2024 йил 30 июлдаги “Гидротехника иншоотларидан фойдаланиш даврида фавқулодда вазиятлар натижасида етказилган зарарнинг ўрнини қоплаш тартибини белгилаш тўғрисида”ги 457-сонли қарори мазмун-моҳияти тушунтирилар экан, қарорнинг 3-иловасида Республикамиздаги мавжуд сув омборларини синфлари белгиланганлиги, суғурталашнинг қонун-қоидаларига мукаммал изоҳлар берилганлиги айтиб ўтилди.
Шунингдек, иккинчи ўқишга тайёрлаш учун муҳокамага қўйилган Ўзбекистон Республикаси Сув кодекси хусусида ҳам тўхталиб ўтилди.
 
Маълумот ўрнида: ушбу гидроиншоот 1985 йил қурилган бўлиб, сув ўтказиш қобилияти 10 м³/сек.; 3 та равоқ мавжуд; Хива шаҳар ва тумани 4 670 гектар майдонини сув билан таъминлайди.

Чапқирғоқ Амударё ИТҲБ матбуот хизмати