Чапқирғоқ Амударё ИТҲБ ҳузуридаги Насос станциялари ва энергетика бошқармаси томонидан Боғот туманидаги “Қизилравот” насос станциясида таъмирлаш, ҳужжатларни расмийлаштириш, электр энергиясидан ажратилган лимитлар доирасида фойдаланиш ва иқтисод қилиш ҳамда ривожлантириш жамғармаларига маблағлар тушириш каби масалалар таҳлилига қаратилган семинар ўтказилди.

Унда Ишлаб чиқариш техника бўлими бошлиғи М.Қурамбоев жорий йилда режалаштирилган топшириқлар ижроси бўйича амалга оширилган ишлар тўғрисида маълумот берди.
Тадбир сўнггида бошқарма бош ҳисобчиси А.Каримов томонидан станция атрофидаги экин майдонларидан унумли фойдаланиш ва ёрдамчи хўжалик маҳсулотлари ҳажмини ошириш хусусида топшириқлар берилди.


Чапқирғоқ Амударё ИТҲБ матбуот хизмати